الورقة الي جننت البنات

موضوع: الورقة الي جننت البنات 22/10/2007, 10:11 am

كان في واحدة ست عجوزة على فراش الموت وما عندهاش إلا ولد واحد.... وهي على فراش الموت قالت له وصية خذ يا ولدي الورقة ديه.... وأي بنت تشوفها ( بأي مكان ) افتح لها الورقة ( وخليها تقراها )
ويا ويلك (( إذا قريت اللي فيها )) أنت ما تشوفهاش
ما تفتحش الورقة.... إلا إذا وافتك المنية.... وقربت تموت
قالها قشطة و تماما التمام........ وماتت الأم <== الله يرحمها
حزن الولد حزن شديد.... وضاق صدره

بعد مده.... قال لازم أنفذ وصية أمي
طلع للشارع.... وبالصدفة وهو مار من عند ( محل كافيه )
قال يا لله.... اضرب لي فنجال قهوة أعدل راسي فيه
دخل المطعم........ طلب قهوة
جتله الجرسون ( بنت ) .... وقدمت له القهوة
وهو بيشرب القهوة.... قال ليه ما أوريهاش الورقة.... فكرة والله
قام أخينا بالله وفتح لها الورقة

البنت على طوووووول ردت.... قامت تزعق عليه
يا للي فيك كذا و كذا.... يا خسيس.... يا حقير
يا قليل الأدب.... يا عديم الذمة يا عديم الضمير.... يا منحط.... يا سافل

الراجل.... مخه ضرب 5 في 6.... ما يعرفش ايه الموضوع ده
جاه صاحب القهوة.... وطرده
المسيكين ضاق صدره.... وحزت في خاطره
قال أكيد البنت ديه مجنونة.... أكيد فيها حاجة مش ولابد

طلع من القهوة.... ومشي في الشارع.... وبالصدفة لقى ملاهي.... قال قشطة اوي أدخل فيها
دخل الملاهي.... وراح يلعب فيها
راح إلى لعبة تصادم العربيات <== يحبها من يوم كان صغير
مالقاش ولا عربية فاضية.... شافته بنت.... قالت له.... اركب معايا
الراجل انبسط.... فرح.... ركب معاها.... وقام يلعب
و حوارات.... وفل اوي.... وسع صدره
و في الاخر.... عزمته على آيس كريم.... إنهبل.... ما صدقش نفسه
راحوا يشترو آيس كريم.... وقعد يرغي معاها
قال عايز أوريها الورقة.... أكيد تختلف عن البنت اللي في القهوة.... فتح لها الورقة

البنت على طوووووول ردت
يا للي فيك كذا و كذا.... يا خسيس.... يا حقير
يا قليل الأدب.... يا عديم الذمة يا عديم الضمير.... يا منحط.... يا سافل
هزءته.... وهج منها

برضه الراجل.... مش عارف الى فيها
و نفسه يقرأ اللي في الورقة.... لكن أمه.... حذرته
راح للبيت.... عدى على مطعم.... قال ليه ما أتعشاش
طلب عشاء كوارع.... خدها البيت و كلها.... وشبع
بالليل بطنه وجعته.... قام يتألم.... الظاهر عنده ( الزايدة )
طار على المستشفى.... عملو له عملية الزايدة
صحى من النوم.... شاف الممرضة قدامه.... قال أكيد ديه تختلف عن الباقي
هي هترحمني.... أنا مريض.... و هتعطف عليا
وقام أخينا بالله.... و وراها الورقة

البنت على طووووول ردت و قالت
يا للي فيك كذا و كذا.... يا خسيس.... يا حقير
يا قليل الأدب.... يا عديم الذمة يا عديم الضمير.... يا منحط.... يا سافل
و كانت عايزه تحدفه من الشباك

إنهبل الراجل.... جن جنونه.... قال ماليش قعاد بالبلد ديه.... أكيد كلهم مجانين
ماليش إلا السفر.... برة المخروبة ديه
قطع تذكرة على أول رحلة خارج البلد.... ركب الطيارة
وقعد في الكرسي.... جت المضيفة تخدمــه <== بنت.... أنتم عارفين طبعا هيعمل معاها ايه
جابت له العصير.... وقال بإذن الله أوريها الورقة
أكيد البنات ديه.... راقيات.... ومحترمين

فتح الورقة لها........ والبنت على طووووول ردت و قالت
يا للي فيك كذا و كذا.... يا خسيس.... يا حقير
يا قليل الأدب.... يا عديم الذمة يا عديم الضمير.... يا منحط.... يا سافل

والله لأناديلك السوبر فايزر.... أشتكيه عليك
جاء السوبر فايزر.... وسمع القصة من المضيفة
قال.... أبداً.... أبداً.... مالكش قعود بالطيارة ديه.... أبداً
ما فيش إلا حل واحد........ ما فيش غيره.... نرميك من باب الطيارة <== والله يا ناس رحمتـــه

إنهبل الراجل وانفقعت مرارت.... وبرضه ما يعرفش ايه الليلة و الحوار ده.... قال لهم
في ايه بس يا جماعة من عند الباب
قالوا أبد.... يلا خلصنا بقى.... قال شكواي إلى الله
اللهم إني أنفذ وصية أمي.... طيب أنا عندي طلب ممكن.... قالوا تفضل

قال لهم.... وأنا واقف عند الباب.... قبل ما ترموني على الأرض.... عايز أقراً الورقة
لأني حكاية أمي كذا وكذا.... وقالهم إن أمة وصيته إنه ما يقرأش الورقة.... إلا إذا جاء يموت
وهو أكيد ها يموت لأنه هيطير من الطيارة حالا على برة ثم الى الارض او البحر (حسب المكان)

وهو واقف على الباب و حاسس بالهواء و مرعوب.... مسك الورقة في ايديه
وعلى وشك إنهم يرموه من الباب عشان يتوكل.... فتح الورقة.... عشان يقراها

أخينا بالله أول ما انفتح الباب كله .... فتح الورقة

ايه الى حصله يا جماعة !!!

طارت الورقة

و حدفوووووووووووه من عند الباب وطااااار زي ابو قردان

ومات المسكين وهو ما يعرفش ايه الى في الورقة

هههههههههههههههه

تعيشو وتاكلو غيرها