انواع اولاد النت

موضوع: انواع اولاد النت 8/2/2008, 3:05 pm

بسم الله الرحمن الرحيم

انواع الولاد علي النت........................

انواع الولاد علي النت........................

المرحلة الأولى : الي يدوبك لسه متعلم يدخل نت

طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت
سمع من صحابه عن النت والبنات وجاي يجرب حظه

المرحلة الثانية: الي بيقعد على النت بس مش كتير

النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي
يبقى لحوح ويفضل يطلب نفس الطلب وصباح الملل

(المرحلة التالته)

الي قاعد على النت ليل نهار
ده بقى شرحه يطول وينقسم لعدة انواع

1- المقموص انواع اولاد النت Beee

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت

2- ابو دم خفيف انواع اولاد النت Fun22

ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي انواع اولاد النت Wall

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه بلوك ودليت

4- اللزقه

والنوع ده عايز حزم ف التعامل
معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟

5- الناصح انواع اولاد النت Coffee

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب انواع اولاد النت Iuby

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه
ودول كتير جدا جدا

7- حريقة بنات انواع اولاد النت Date

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي
ويندمج وبعدين يطلع واحد صاحبه
هههههههههههههههههه يعيني شرب المقلب

8- الكداب ...

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب
هههههههههههههه
بردو كتير جدا جدا

9- العبيط انواع اولاد النت Tease

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه
ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة

موضوع: رد: انواع اولاد النت 8/2/2008, 5:43 pm

هههههههههههههههههه
ماشي يسلمو يا سنو
كتير حلوين

موضوع: رد: انواع اولاد النت 21/2/2008, 9:40 pm

الله يسلمك يا عمري مرورك احلى منور

» تكوين صداقة حقيقية عبر النت حقيقة ام وهم ؟؟؟
» Internet Download Manager 5.11 Build 7للتحميل من النت