كتكوت الحب نور ماسي متميز
عدد الرسائل : 1180 نقاط : 6206 الشكر : 1 تاريخ التسجيل : 26/09/2007
| موضوع: الحئو الفرق بين البنت الفلسطينية والسورية هام جدا للصبايا ؟؟ 29/12/2007, 11:25 pm | |
| الفرق بين الزوجة الفلسطينية والسورية
اذا وقع زوجها عن الدرج :
السورية : ولي على آمتي سلامة ئلبك ابن عمي انشاء الله انا ولا انتا ابن عمي (ميتة عليه من الخوف )..
الفلسطينية : شو مالك دخت ؟ الله ما برمي الناس بحجار خطيتي الله لا يردك (بتستناه يموت عشان تورث ) .
اذا الزوج بدو يسافر :
السورية : انتبه لنفسك ابن عمي هيني جهزتلك الشنطة , كتر خيرك على الاغراض اللي اشتريتها , بيكفو سنة الله لايحرمنا من دخلتك علينا , ولي على امتي , تروح وترجع بالف سلامة .
الفلسطينية : أسبوع مبوزة ئبل السفر , وكل شوي دموع , ومتى بدك تروح ؟ ومع مين بدك تطلع هناك؟ مش تتطلع عالبنات ! إحلف إنك مش رايح تروح على اماكن فيها بنات ! ما تتأخر بلاش ينقصنا إشي وانت مسافر .وكل يوم تتصل بالتلفون عشان تشوف وينك وتحكيلك انو الولد سخن , وبنتك بدها تموت ,كل المصايب بتقلك اياها بتلاحقك فيها وين ما تروح (هوايتها نكد ).
اذا الزوج تأخر برا في الشغل او مع صديق :
السورية : شو ابن عمي !غلي ئلبي عليك تؤبشني يا حئ وكتير شغلني بالي , تؤبرني ما تتاخر عليي كتير مرة تانية عشان بشتائلك أنا (يؤبرني دلع الشام ) .
الفلسطينية : شرفت !! وين كنت ؟؟ مهو انا كاينة حيوانة في الدار , طول نهاري أكنس وامسح !! مع مين من اصحابك الهمل كاين بتتصرمح ؟ ايش جبتلنا معك ؟ ولا جاي ايد ئدام وايد ورا , كويس عرفت الك دار وروحت (لا تعليق ) .
اذا طلبت شي منه :
السورية : ابن عمي تؤبشني تؤبر ئلبي (كله تؤبر ) حبيب البي فيك تجيبلنا شي حلو من دياتك الحلوة وعلى زوئك شو بنعشئ زوئك انا يا حياتي .
الفلسطينية : اغلط مرة وجيبلك شغلة حلوة معك بقلاوة ولا كنافة بدي احلي تمي اللي مرمر من هالعيشة اللي بتقرف (هاي طخها حلال ) .
اذا جابلها هدية :
السورية : يسلملي اياك يا رب ابن عمي حبيب ئلبي , يااااااااااااي شو بتجنن عنجد عنجد زوئك بيعئد تؤبشني بتجنن الله لا يحرمني منك يا عمري .
الفلسطينية : والله غاب وجاب , وياما جاب الغراب لمه , ومن وين جايبها وقديش دفعت حئها هاي , الله يقطع هيك زوء مش لو جبتلنا بطيخة للدار احسن (حسبي الله وانت نعم الوكيل ) .
واذا بدك شي منها :
السورية : من عيوني ابن عمي تؤبرني انتا تؤمر امر ولو غالي والطلب رخيص , شو بعبد سماك انا دخيلو شو بحبووو على راسي حبيب ئلبي .
الفلسطينية : مهو حرام نتريح شوي ,لازم حياتي تضل تعب ونكد , هو فش غيرك بالبيت ؟ مش فاضية , ولا ائلك اطلع من الدار حل عني روح شفلك شغلة سويها ,فقعت مرارتي من شغل البيت اففففففف اففففففف اففففففف.
لو طلبت منها فنجان ئهوة :
السورية : من عيوني ابن عمي , احلا فنجان من ديات تستاهل تمك ,وبدياتي راح شربك كمان , وتعبك راحة ابن عمي , ما في اغلا منك حبيب ئلبي (تخيل فنجان ئهوة بس ).
الفلسطينية : بدك قهوة ؟ هي اخوانك مرميين بلحوش روح اشرب معهم ... ولا اقلك روح عند امك بتعملك , اترك شغلي واعملك قهوة ؟؟هادا اللي ناقص ..,يا رب موتني وخلصني من هالعيشة اللي بتقرف (كل هادا عشان فنجان قهوة يا ريتو سم يا شيخة ) ...
اذا حكالها بدك شي وهوا طالع :
السورية : تسلملي حبيب ئلبي ابن عمي ,ما بدي غير سلامتك مكفيني من كل شي مو نائصني شي تسلملي يا حءء بس حبيب ئلبي ما تتاخر بشتائلك انا ابن عمي ..,,بدك اعملك شي بس ترجع ؟(بتكون غبي لو طلعت وتركتها ).
الفلسطيينية :: لأأأأأ(مع تبويزة شبرين )....بديش اشي وين بدك تروح ؟ ومع مين بدك تقعد ؟ وان شاء الله بتطول وبتخليني لحالي زي الهبلة , ولا احكيلك , جيب معك حفاضات للولد وانت جاي .
الذوق والتنويع بالاكل :
السورية : سلطات . وتبولة . فتوش . محاشي . شوربات . كبة . محمر. ومشمر .يعني سفرة عامرة من كله , والله لوما عندها بقدونس راح تعملك تبولة (ههههههههه) بيكفي انها راح تئعد جنبك وتفتح نفسك عالاكل , وبتحكيلك عجبوك ابن عمي دوء هي من ايدي . طيب كمان هي دوئها واحكيلي شو رأيك , طيب هاي كمان وحياتي عندك لتاكلها من ايدي ابن عمي نفسك بشي وما عملتو ؟ صحتين على ئلبك ابن عمي .
الفلسطينية : لو عندهاكل انواع الخضار والثلاجة مليانة اغراض ولحمة . وسمك . هو فش غيره طبيخ مقلوبة او ملوخية او فريكة . واذا غلبت حالها صينية بالفرن , هذا اذا كان محظوظ وما حكتلك فش بندورة . وخيار روح اشتري و او خلص لغاز ونص الطبخة . روح جيب غاز اذا بدك تاكل , طبعا بوزها عالسفرة شبرين وبتبلش ضرب بالولد مشان كب الصحنوحديثها بيكون كالتالي: اليوم اجت فواتير الكهربا والمية متى بدك تدفعهم ؟ اليوم اتكسرت ايد الحنفية وانا بجلي روح جيب المواسرجي يصلحها بس تخلص اكل, ابنك بدو عشرين ليرة يشتري كندرة واهم ش بس تخلص اكل وديني عند اهلي, طلعت روحي طول النهار بالمطبخ (يعني عاملة الغنايم ماشاء الله . خليها تروح يمكن تفتح نفسك وتنفتح نفسك وتاكل زي الخلق ..
ولكم مني فئق حبي ومودتي
المشرف العام
كتكوت الحب | |
|
الرومانسي نور ذهبي
عدد الرسائل : 752 العمر : 33 نقاط : 6209 الشكر : 0 تاريخ التسجيل : 22/09/2007
| موضوع: رد: الحئو الفرق بين البنت الفلسطينية والسورية هام جدا للصبايا ؟؟ 30/12/2007, 10:25 am | |
| هههههههههههههه يسلمو يا كتكوت عالموضوع الله يعطيك العافيه | |
|
كتكوت الحب نور ماسي متميز
عدد الرسائل : 1180 نقاط : 6206 الشكر : 1 تاريخ التسجيل : 26/09/2007
| موضوع: رد: الحئو الفرق بين البنت الفلسطينية والسورية هام جدا للصبايا ؟؟ 30/12/2007, 12:55 pm | |
| تحياتي لالك رومانسي وشكرا كتير على ردك الرائع
تقبل فائق حبي ومودتي
المشرف العام
كتكوت الحب | |
|
khaled (مديــر الشبكـة والمــنتدي)
عدد الرسائل : 2235 العمر : 35 البلد : بلد الحب والغرام المزاج : in love نقاط : 6219 الشكر : 0 تاريخ التسجيل : 13/09/2007
| موضوع: رد: الحئو الفرق بين البنت الفلسطينية والسورية هام جدا للصبايا ؟؟ 30/12/2007, 4:21 pm | |
| ههههههههههههه
يبئا احسن النا نتجوز سورية علي هيك ئسدك يا كتكوت
بس انا ببدي السورية ببنت بلدي
وهو في بعد الفلسطينية زي العسل والله الفلسطينيات
وازا بدك نصيحة يا ابني خود يفاوية بتعيش عيشة هنية
| |
|
كتكوت الحب نور ماسي متميز
عدد الرسائل : 1180 نقاط : 6206 الشكر : 1 تاريخ التسجيل : 26/09/2007
| موضوع: رد: الحئو الفرق بين البنت الفلسطينية والسورية هام جدا للصبايا ؟؟ 30/12/2007, 7:50 pm | |
| حبيبي يا خالد ما انا اللي راح اخدها يافاوية
لاني يافاوي وبدي وحدة تفهم عليا
بس بتعرف شي
لا سورية ولا لبنانبة
فش بعد الفلسطنية
هههههههههههههههه
مع كل هالحكي هادا اللي فوق الا انو
الفلسطينية هي فوق الكل
وبحب احيي كل البنات الفلسطينية
وبخاصة اليافاوية
تحياتي لالك وشكرا كتير على ردك
تقبل فائق حبي
المشرف العام
كتكوت الحب | |
|
الرومانسي نور ذهبي
عدد الرسائل : 752 العمر : 33 نقاط : 6209 الشكر : 0 تاريخ التسجيل : 22/09/2007
| موضوع: رد: الحئو الفرق بين البنت الفلسطينية والسورية هام جدا للصبايا ؟؟ 31/12/2007, 12:51 pm | |
| يسلمو يا كتكوت عالموضوع وانا بقول انه كلامك مزبوط بانه الفلسطينية ما في بعدها وخاصه اليافوية وانشاالله بجوزك بنتي يا كتكوت بس انتا خلص جامعه خخخخخخخخخخخخخخ الله يحي اصلك يا يافواي يا مزة على قوله جريح تحياتي الرومانسي | |
|
كتكوت الحب نور ماسي متميز
عدد الرسائل : 1180 نقاط : 6206 الشكر : 1 تاريخ التسجيل : 26/09/2007
| |
ميرا الاميرة مشرفة انوار فرفش
عدد الرسائل : 281 العمر : 35 المزاج : CooL نقاط : 6212 الشكر : 0 تاريخ التسجيل : 19/09/2007
| |
كتكوت الحب نور ماسي متميز
عدد الرسائل : 1180 نقاط : 6206 الشكر : 1 تاريخ التسجيل : 26/09/2007
| موضوع: رد: الحئو الفرق بين البنت الفلسطينية والسورية هام جدا للصبايا ؟؟ 31/12/2007, 5:45 pm | |
| تحياتي لالك ميرا
وشكرا كتير لمرورك الرائع
وطبعا ما في بعد البنت الفلسطينية
وخاصة اليافاوية وشكرا كتير لالك
وتقبلي فائق ودي
المشرف العام
كتكوت الحب
وبيئول المثل اتزوج يافاوية وعيش عيشة هنية | |
|